周柏豪縮沙：有錢過我咪埋身

一直不乏追求者的超雲，結識不少圈中型男，近日便盛傳除前度男友王大業想翻撻超雲外，還有陳山聰、周柏豪和張致恒展開「奪雲戰」，之前陳山聰更在微博暗寸情敵柏豪借超雲博宣傳。昨日便有指陳山聰為追超雲，與拍拖十年的女友Ponny分手，並專登過澳門為超雲慶祝生日兼送99支玫瑰冧爆超雲。

「去搵爹哋唔得咩」

傳「奪雲成功」的陳山聰，有指被舊愛母親「數臭」，昨日記者致電陳山聰，山聰只謂：「感情兩個人事，唔好去騷擾老人家，我係公眾人物預咗大家追訪，老人家唔係。（同Ponny分咗手？）呢啲唔講啦。」被問到去澳門陪超雲慶祝生日，山聰沒有否認：「我爹哋都係喺澳門做嘢，過去搵爹哋唔得咩？唔通超雲喺澳門就唔過去。」

柏豪斷言不欲捲入「奪雲戰」。　　（資料圖片）

陳山聰既不承認亦不否認到澳門為超雲慶祝生日。　　（資料圖片）

周柏豪昨日與諸葛梓岐、周慧敏、湯怡及詩雅等出席活動，柏豪大嘆無辜捲入「奪雲戰」，他謂：「自己幾無辜，由始至今啲報道都唔係事實，我都冇追過佢，發展到咁影響好多人，好想唔關自己事。」柏豪更笑說：「有錢過我咪埋身。」以免成為目標。

詩雅（左）和湯怡結伴出席活動。	三太陳婉珍昨日探完賭王急急腳離開醫院。	諸葛梓岐自言性感冇問題，連未來老爺、奶奶都沒有意見。

三太唔知女兒拍拖

問柏豪可覺陳山聰借他上位？他說：「唔識諗咁高深嘅嘢。（同超雲劃清界線？）一直都係普通朋友，冇約會冇去街，唔需要特別去改變。」對陳山聰撇女友被封「賤男」？柏豪稱已匿埋樹邊一角，不會去批評別人的事。另昨日三太陳婉珍探完賭王離開醫院時，被問可知超雲與山聰拍拖，她說不知道。

文：音樂組