Mandy Lieu拖男友買餸拒食死貓

「小小超」李澤楷與梁洛施分手消息傳出後，男方的緋聞即被翻炒，除傳出於09年底，與當選環球旅遊小姐亞軍趙雅淇過從甚密外，又被指與25歲的混血名模Mandy Lieu拍拖。不過據消息指，Mandy自與舊愛陳柏霖分手後，其實於年頭時已名花有主，與一名六呎外籍猛男相戀。

「一齊就唔使咁慳」

Mandy於今年元旦日，更與男友前往中環的超市拍拖買餸，當日二人全程密密傾，Mandy還不時被男方氹得冧爆甜笑，之後雙雙回家溫馨玩煮飯仔。據Mandy身邊友人透露：「Mandy梗係冇同小小超拍拖啦，如果佢哋真係一齊，Mandy就唔使咁慳，仲鬼咁勤力接咁多工作啦。」Mandy雖被傳出與小小超相戀，但事實上卻未見她忽然富貴，上月初Mandy於中環工作後，亦未見有名車接送，僅是由助手陪同下，乘的士返回位於中環租住的五百呎寓所。即使早前不用開工的日子，Mandy也只是相約數名友人，於寓所附近的平民咖啡店相聚，慳家的她之後還步行十五分鐘，往出名又平又抵的米線專門店，外賣一碗廿八元的粉麵後，再步行十五分鐘回家醫肚。

對於被指與李澤楷相戀，Mandy昨日亦向本報斬釘截鐵否認：「唔係，有乜事留番聽日（今日）活動先講。」其經理人Marie亦表示：「公司旗下模特兒嘅私事不作回應，（Mandy工作方面如何？）一路都有開工，好正常。」

而Mandy舊愛陳柏霖的經理人則表示，柏霖因昨天與范冰冰於上海為電影宣傳，加上他前天因牙痛往求醫，故沒有將Mandy被指與小小超拍拖的報道告知他。

Mandy元旦日被本報拍得與六呎外籍男友買餸歎茶。	Mandy未有座駕接送，出入都以公共交通工具為主。	Mandy來回步行30分鐘，購買一碗28元的粉麵（箭嘴示）。
Mandy與友人在平民咖啡室「打牙骹」。	陳柏霖昨日掩着腫痛的臉頰，與范冰冰出席電影發布會。

證明努力沒有白費

此外，亦另有一說法，傳出李澤楷的「真命Mandy」，並非Mandy Lieu，而是同叫Mandy的華裔女子，曾於加拿大的選美活動中獲得獎項，有指她的姓氏是CHEUNG或CHONG，但此傳聞暫未得到證實。

至於有指梁洛施年底復出，她的發言人盧覓雪表示：「之前有記者打嚟求證，我已經答咗唔係，當時我答話復唔復出同幾時復出，唔係依家考慮因素，你覺得佢好等錢使咩？但出嚟啲報道又寫到咁，（好多電影人對佢有興趣？）都係好事，估唔到咁多人讚佢，證明佢過往努力冇白費。（有人想拍攝梁洛施的自傳？）佢唔知，但多謝關心。」提到李澤楷被指與Mandy Lieu拍拖，盧說：「李先生講得好清楚，佢真係唔識Mandy Lieu。」

李澤楷、梁洛施

梁洛施豪門夢滅近日成為城中熱話。（資料圖片）

Profile

中文名：劉碧麗

英文名：Mandy Lieu

年齡：25歲

出生日期：1985年3月20日

身高：5呎8

體重：51kg

出生地：馬來西亞，為馬來西亞及美國混血兒

簡介：出道時曾被稱「翻版張栢芝」，16歲時於馬來西亞被星探發掘成為模特兒，03年隻身來港發展被周星馳看中，邀請拍啤酒廣告成新一代「啤妹」走紅，後拍攝多個平面廣告及擔任主持工作。當中與台灣小生陳柏霖的一段情最為人熟悉。

文、攝：追蹤組