鄧穎芝（Vangie）早前出席內地頒獎禮，翌日乘保母車由酒店出發到機場時，因掛住瞓覺搞到跌咗部新出嘅手提電話，嚇到佢魂飛魄散，她說：「係自己衰掛住瞓，搞到手提跌咗都唔知。」Vangie表示當去到櫃位check-in先知唔見手提，她說：「當時個心跳得好快同埋緊張到標汗，即叫助手打自己手提，最終司機有接聽，不過佢話因為塞車趕唔切喺我上機前畀我。」Vangie開心說：「估唔到搵得番，其實個司機好誠實，同埋好彩有工作人員遲一日返香港，司機將部電話交畀佢帶返香港畀我。」
Vangie表示曾擔心資料外洩，她說：「雖然有set密碼，不過都擔心畀人破解，一個星期後收到部電話，見到好多未接來電，相信冇畀人盜取任何資料。」