嘟嘟dry爆 呂方風騷
鄭裕玲（嘟嘟）與呂方已分手兩年多，感情至今未有着落。前日dry爆兼頭髮蓬鬆的嘟嘟與友人到中環行街，原本笑面迎人的她，甫見記者即玩「變臉」，並叮囑記者不要亂寫。反之呂方新碟大賣，出席記招時非常風騷。
嘟嘟與呂方於○八年分手，呂方早前接受本報訪問時，以「坐監」來形容與嘟嘟的十六年戀情，自稱是冇腳雀仔重獲自由的他，更透露現時被三位三十多歲的中港女士追求。反觀甩拖兩年多的嘟嘟，感情生活依然dry爆，享受單身生活。
「又影我唔化妝！」
前日下午三時半，身穿黑色羽絨、薄施脂粉兼戴上近視眼鏡的嘟嘟，與一名女友人到中環ifc行街，期間巧遇一名相熟朋友，嘟嘟即停低跟對方寒暄幾句，有說有笑，之後步往附近停車場取車。
當記者主動上前打招呼時，一頭亂髮的嘟嘟即「變臉」，並不屑地說：「又影我唔化妝！又亂咁寫呀？」問到新年有甚麼節目？她說：「你哋自己睇我微博啦！」更叮囑記者：「你哋唔好再跟喇！我去攞車走呀！」
另外，嘟嘟舊愛呂方昨日為其發燒天碟舉行金唱片祝捷會，慶祝僅三星期便賣過八千隻。他坦言驚喜又開心：「今次全部都係國語歌，大家都耳熟能詳，揀啱咗路線。」三星期後開紅館個唱的他坦言緊張，問到會不會減肥？他說：「我唔食一餐個肚就會凹咗。（着透視衫？）唔好搞呢啲嘢啦！」
呂方表示知道蔡楓華開騷：「一月《勁歌》三十周年都見到佢，瘦咗靚仔咗。（正唔正常？）佢好正常！狀態好好。」提到早前指他騙財的女子，他說：「冇再搵我，唔係事實就唔好提。」
文：追蹤組