DaDa專揀靚仔拍拖
陳靜（DaDa）與洪天明前女友梁詠茵（Lillian，前名梁郁霖）昨出席「元宵極速約會派對」活動，DaDa坦言可一試極速約會：「以前上過交友網識朋友，但未試過出嚟，有機會都想試吓，可以識多啲唔同層面嘅朋友，（嗰啲只係想上床喎！）咁我都會好小心嘅。」
DaDa又笑言媽咪教落要選靚仔作首要條件：「有得揀梗係要靚仔啦，錢可以自己搵，而且我好知足，簡單生活仲舒服，（靚仔花心？）媽咪話靚唔靚仔都花心o架啦。」Lillian則最愛幽默的男仔，前男友愛講爛Gag氹她開心。剛過去的情人節，DaDa謂因有點不適，跟家人吃飯後便回家休息。