劉璇心中富有自爆師情

劉璇由奧運體操冠軍人馬身份轉戰娛樂圈,現成為歌、視雙線發展的全能藝人,對於曾齊被譽為「美女運動員」的郭晶晶,最近盛傳將嫁入豪門,劉璇亦自言早已心有所屬,雖然對方非「富二代」,但就大讚男友「心中富有」。

劉璇加盟Neway唱片公司後,預計於二月底推出國語新碟,對感情一向低調的她,坦言早已有一位相戀多年的北京男友,但詳情不願多透露,只肯說:「我哋拍咗拖好多年,佢係老師。(係咪富二代?)咩係富二代?只可以講佢好有才華,心中富有。(係咪靚仔?)OK啦。」

回京蜜會

不過因劉璇經常穿州過省工作,故大家相處時間不太多,但她返北京時就一定會見面。談及郭晶晶退役後將繼續升學,劉璇大讚晶晶好學,又指:「呢個係大部分退役運動員都會做嘅事,因為我哋要不斷增值自己,我退役後都有喺北京攻讀新聞系。」

珍惜親情

劉璇農曆新年返家鄉湖南和家人團聚,她如此重視和家人的相處,全因由九歲加入國家隊接受訓練至廿一歲退役,有十二年時間都一直沒有機會返湖南過年,她說:「所以我一直好珍惜同家人相處嘅時間。」問劉璇當時可覺得苦?她直言有此感覺,但無奈做運動員就要依照國家的指示,不過她的教練很錫她們,會帶他們一班小運動員返家食團年飯,感受過年的歡樂氣氛,她謂:「我同其他運動員會玩氣球,因為唔可以放煙花,所以我哋用氣球代替。」採訪:音樂組

衫:Miss Sixty

髮型:Wing Wong (Orient 4.com.hk)

Makeup:Annie.G. Chan