孫光華恨抱孫催長女生Ｂ
社交名人孫光華新春期間前往英國探望長女賴浣貞，返港後又與在港的另外三名子女食飯度歲，結果捱出病來。早前她將與二子賴穎生、三女賴韻文及四女賴瑩珊的合照放上Facebook，其中韻文和瑩珊均帶同男友赴會，莫非趁新春期間見家長？孫光華昨笑說：「佢哋拍咗好耐拖，不過仲細，唔會催佢哋結婚，（二子穎生冇帶女友嚟？）佢話冇女友，其實我覺得佢愈遲拍拖愈好，自己一啲都唔心急。」
但孫光華卻揚言今年的新年願望是想抱孫，希望長女快些生B，自己做婆婆，她說：「大女結婚三年，住勻美國、荷蘭、英國，最近又準備搬去紐約，連搬三次，每次搬都帶埋隻狗，佢哋兩夫妻咁錫隻狗，都驚佢哋唔生BB住。」