Sa霆泰恩愛誓拆相士招牌

陳偉霆早前在頒獎禮上對女友蔡卓妍高呼「我愛你」,向全世界晒恩愛,近日他們感情升溫,趁農曆新年假期到泰國預支蜜月,陳偉霆更承諾誓要拆批他們感情有危機的相士招牌。

昨日大年初四,陳偉霆(William)出席英皇新春活動,他春風滿面地表示剛與女友蔡卓妍(阿Sa)去了泰國旅行,享受陽光與海灘。阿Sa更親自操刀為William拍了一張赤裸上身、大騷肌肉的泳照。

被狗仔隊發現

William又透露被狗仔隊發現:「我哋打算低調啲去個小島,點知都畀狗仔隊發現。(預支蜜月?)唔係,都係去玩幾日。下次旅行要去遠啲,最想去非洲。」提到有相士批算他們今年感情大有危機,他抵死笑說:「一定要拆佢招牌!(咁會唔會訂婚?)應該都唔會住,工作至上。」

問到有否與阿Sa互相推油?William笑謂:「多謝阿媽生得我手長腳長,阿Sa跳開芭蕾好柔軟,有冇推油就係我哋小秘密。」

之後本報再致電William,問到蜜遊被狗仔隊追訪是否感掃興?他說:「有影響行程,我哋本身好為食,佢搞到我哋唔敢隨便飲食同買嘢。(有冇被影激凸相?)冇,拖下手仔就有。」

享受二月四日

「Sa霆」前日和昨日各自將泰國旅行照片上載微博,相中的阿Sa身穿桃紅色吊帶衫,她寫道:「初二繼續享受假期中……繼續和陽光玩遊戲……我的假期結束了,很懷念陽光與海灘……今年一定要更加努力工作,為下一個假期奮鬥!」William亦寫上:「藍天告訴我今天會過得美好,美景+美食=享受二月四日。」非常感性。

另外,與William同場的詩雅表示五年沒拆過利是,希望再儲五年,屆時能夠支付供樓首期。

文:音樂組

想跟阿叻一同切磋賽馬心得,立即登記參加「靈活至叻爭霸戰」啦!