Baby等曉明見家長

Baby與樂仔宣傳配音動畫《魔髮奇緣》，為配合動畫女主角「長髮公主」的形象，Baby特意把頭髮駁到約10吋長，藉此祝賀觀眾「長髮（發）長有」。她表示新年要於工作中度過，與黃曉明於內地拍戲，二人可以一齊過新年，但沒有機會和黃曉明的家人見面：「我哋都要拍戲，無咩時間。（佢媽咪嚟探班？）唔知呀。（見過你家長？）未見過呀，大家都好忙所以要安排。」

樂仔養家呻辛苦

而早前病了多次進出急症室的樂仔，明顯氣色好轉不少。問到是否財多身子弱？他說：「係就好喇。我養晒一家幾廿口o架，屋企人、貓狗又幾隻，仲有車同樓呢，好大壓力。（養老婆？）我都想，準備好o架喇，不過未有對象呢。自己一得閒又成日搵嘢做，又打wargame又打波，唔識得去搵女朋友。不過嚟緊會拍一套愛情片，個女演員想合作好耐架喇，仲名花未有主，追到就好喇。」至於他所指的女演員是誰就故弄玄虛，大家要拭目以待了。

Baby俯身寫揮春，旁人大飽眼福。	樂仔為Baby拉起長裙，認真有風度。	樂仔誓言要把心儀的女星追到手。

黃曉明大派利是

此外，黃曉明昨晚在微博表示：「發紅包了！」只見利是封上印着一個戴黑超的型男，與手持一大疊利是的曉明猶如餅印一樣！

文：影視組