鄧萃雯學定嗲功冧仔
連奪兩屆「視后」的鄧萃雯，於事業上成績甚佳，問她新年願望？她表示：「希望電視行業有一番新景象，人人有工開。」至於談到感情生活，雯女笑言：「唔一定要愛情嘅，（都想有個人畀你嗲下啩？）我啱啱至學識嗲，因為自細自力更生，講嘢粗聲粗氣，以前啲男友都話我唔識嗲，呢兩年同阿媽住至學識嗲，我演員嚟o架，點會唔識嗲吖，但真正嘅技巧係要放開思想，依家實習中，大家畀啲時間我。」
另外，鄧萃雯日前相約黃耀明等友人到跑馬地歎日本菜，事後致電雯女，她表示：「其實之前都識明哥，當晚佢仲同我講，話原來我係佢師妹，因為佢好多年前都讀過訓練班，我哋邊食邊傾，講到唔捨得走咁滯。」
服裝：中藝
髮型：Nelson@Hair