Stephy接受挑戰樂做醜女
鄧麗欣（Stephy）去年作多方面嘗試，踏入兔年，Stephy希望向內地發展，她說：「今年嘗試咗好多新挑戰，好似跳舞咁，希望兔年可以再試多啲嘢，去多啲唔同嘅地方發展，好想參與舞台劇或者音樂劇演出，要我扮男人、扮醜都冇問題。」
另外，Stephy與昔日舊拍檔傅穎變成外間形容的「死敵」，Stephy坦言每年都希望是非減少，可惜事與願違，她說：「惟有做好自己，問心無愧就可以喇，好多嘢其實都只係誤會。」至於Stephy與方力申的戀情已半公開，問到她心境是否比昔日輕鬆？她笑說：「冇公開呀，其實都大個喇，感情事唔想多講。」