周秀娜揀新女首要32D

「性感女神」周秀娜穿上紅色低胸裙向讀者拜年,拿着金元寶的她春風滿面,揚言新一年投資過百萬港元入股自己公司,「印印腳」做老闆娘捧三十二個「32D」新model,賺個盆滿缽滿。

周秀娜穿上一襲紅色低胸裙,大騷事業線及長腿向讀者拜年。去年吸金冇停手的她已賺夠錢供首期,不過眼見近來香港樓市太貴,怕「損手」的她都未敢扑錘,但原來她早已滿腹鴻圖大計,實行其賺錢計劃,入股自己公司GME,榮升老闆娘。

浸完水胸部發脹

近年娜姐淡出模界,又透露今年不會出寫真,為電影鋪路之餘,亦希望捧新模做接班人。她說:「嚟緊公司會力捧三十二個來自內地同日本嘅女仔,由我親自揀,個個身材都要有32D!(升呢老闆娘喎!)之前賺咗啲錢係想攞嚟投資,對公司非常有信心。(會投資幾多?)七位數啦!」

湊巧「宿敵」Angelababy上個月亦升呢做老闆娘,投資近百萬港元開美甲店。問到會否簽類似Baby的女仔做模特兒?她說:「會簽,內地市場咁大,有都唔出奇。(Baby最近再度發育!)我呢幾日去泰國浸完水,個胸都會發脹。」談到新年願望,娜姐想繼續向影圈發展,拍戲檔期已排到今年九月。她雖不奢求得獎,但亦想嘗試行紅地氈感受氣氛。

穿睡衣真空上陣

另外,娜姐前晚穿上性感睡衣,與同公司o靚模A.Lin、Hailey C.、Annie G.及DaDa Lo到亞視錄影《11點後特區》。由於此乃深夜節目,談話尺度可能較寬,問娜姐會否講「性經」?她說:「應該唔會講性,想啲觀眾睇完個深夜節目就上床瞓覺。」她又透露家中所穿的睡衣更性感,而且不會戴胸圍。

文:專案組

攝:黃叔榮

服裝:BCBG

場地:APM

髮型:Lobo@Chin G.

化妝:Johnathan Y@Fine Bride

想跟阿叻一同切磋賽馬心得,立即登記參加「靈活至叻爭霸戰」啦!