吳君如對祥仔起痰

君如是今年的賀歲片女王，《我愛HK開心萬歲》和《神奇俠侶》兩部片同期賀歲，出現自己打自己的局面。

連谷兩片

君如曾揚言偏重宣傳丈夫陳可辛監製的《神》片，卻因曾志偉有喪父之痛，未能主力宣傳《我》片，君如義不容辭擔起影片的宣傳工作，果真義氣仔女！

在《我》片中君如慘遭「糟質」，其中一場戲被黎耀祥連番掌摑受盡皮肉之苦，她說：「邊個唔想同視帝合作呀？佢咁忙都難得客串呀，我同佢講你客串啦，最多我頒個視帝獎畀你。所以頒獎禮當晚我信封都唔睇，就頒個視帝畀佢。」

電視還戲

君如亦大讚祥仔愈來愈有魅力，看到他與毛舜筠合作電視劇覺得他很有男人味，她說：「佢捱咗咁多年，咁嘅樣嘅男人都製造到呢種魅力出嚟。（嗒佢糖？）食飯（睇電視）嗰時咪嗒囉。」揚言不會再拍電視劇的君如，笑言若祥仔開口，便回「還」番一場戲給他。問到人氣旺盛的林峯未有參與《我》片會否覺得可惜？君如即說：「嘩，林峯旺呀！出年吖，佢好有潛質，不過如果講票房，要睇多幾部。」她說今次最開心是與老戲骨午馬和馮粹帆再度合作，勾起了不少往事。

文：影視組

髮型：Simm Lui @ Orient4.com.hk

化妝：Midco Chu