李樂詩生兔B陪囝囝四圍玩
農曆新年將至，李樂詩（Joyce）偕老公與囝囝Maxton向大家拜早年，祝大家兔年行大運和身體健康。Joyce表示將會再與台灣歌手張宇到拉斯維加斯登台，她笑言：「想同老公分擔吓，我負責儲定囝囝學費，老公負責奶粉錢。我哋準備喺兔年為Maxton追多個細佬妹，因為佢見到小朋友就會擁抱，又會輕輕摸下佢哋，相信佢會係一個好哥哥。」
Joyce表示不會效法陳慧琳人工受孕生孖胎：「其實再生一個已經夠，驚湊唔掂。囝囝已經走入麻煩期，成隻甩繩馬騮，依家一歲零三個月大，會四圍行四圍爬。不過都要多得佢，成日要追住佢四圍走，令我減咗唔少磅。」