泥鯭@RubberBand為愛貓放棄行山

樂隊RubberBand成員泥鯭家中飼養了三隻貓,包括有花貓Mel B、MiMi及暹羅貓Chim,全是領養或家姐轉贈,他透露:「Mel B係我第一隻貓,係領養返嚟,第二隻叫MiMi,朋友送嘅,而Chim就係家姐唔養畀我嘅!」

談及三位「愛女」,泥鯭表示貓咪全是由細養大,但各有性格,相當難服侍:「MiMi年紀最大,性格古怪,佢好唔妥Chim,成日打交,好在未打到甩毛流血。」泥鯭又指MiMi有「精神病」,每次精神緊張時,就會通屋癩屎屙尿,累他要清潔家居,但他從沒想過遺棄牠,因早已視MiMi為家庭成員,他謂:「最多我出街時,用膠布鋪好啲傢俬,就算要清潔都容易啲。」

至於養貓多年最難忘的事,泥鯭謂幾年前和家姐帶Mel B行山,不料Mel B走失,嚇得泥鯭半死,其家姐又喪哭,幸好十幾分鐘後,他在草叢中尋回愛貓,他惟有發誓以後不帶貓行山。

《on.cc東方互動》推出全新購物網站《生活購物》,大量賀年及婚禮用品3折起發售。