徐子珊恨拍拖紅底催旺

徐子珊近年躋身無綫花旦之列，歌影視三線齊飛，工作可謂長做長有，要過一個肥年絕對不成問題，不過童心未泯的她，過年也會跟父親北上討利是，笑言「收入」相當和味，如去年便討了共五位數字，足以追平其派發的開工利是，故子珊不諱言趁今年有幾日新年假期，也不怕厚面皮，隨父親北上拜年兼「搵人仔」。

拒揀圈中人

性格洋化的子珊，原來骨子裏也很傳統，新年除了穿母親買的紅底外，家中也會擺放桃花，她謂：「屋企初一就會擺，記得五、六歲時好百厭，曾經整爛過棵桃花，結果就畀阿媽打到開花，真係好難忘。」

問到討了多年利是，何時才能以人妻身份派發，子珊哈哈大笑指母親的確喜歡湊孫，雖然姐姐已有兩名小孩，但仍然想她快點出嫁，令子珊有點無奈，她表示：「其實契媽都擔心，見我做嘢咁辛苦，但我又享受嘅，講真係恨拍拖，亦都聽好多人講生小朋友好幸福，我有諗過人生都唔只為工作，但緣分真係未到，好想搵到個照顧到我、有責任感嘅另一半，我唔係太想揀圈中人，所以惟有等住先啦！」

子珊希望兔年可以賺個盆滿缽滿。

徐子珊笑言媽咪經常有意無意催婚。

文：影視組

攝：沈健程

服裝：Ballet

髮型：Debby Kwan @ Hair

場地：溫馨無限