周柏豪爛命唔靠超雲上位

周柏豪憑着高大靚仔俘虜萬千少女心，早前先後與何家兩位千金超雲及超蓮傳緋聞，雖然柏豪多次澄清與兩女只是朋友，但緋聞卻無休止，甚至愈炒愈熱，柏豪的乖仔形象頓變成「花心男」，柏豪無奈說：「初時都得啖笑，但引伸到多個關係，冇發生過但講到似層層，真係好得人驚。」

大男人的柏豪承認很在乎面子，他說：「自己鍾意自力更生，畀人感覺借人上位唔係幾好，自己爛命一條，一直都係靠自己，唔想屋企人承受不必要嘅閒話。」問到何時搵個真正女朋友？柏豪說：「梗係想，不過唔會做。（矛盾？）係o架，依家事業先起飛，感覺上要努力工作先。」

何超雲與何超蓮年輕貌美，不過柏豪強調與二人只是朋友關係。

周柏豪暫未有能力買大屋，卻心思思換「老婆」。

儲錢目標換大屋

原來柏豪投資亦有一手，五年前已榮升業主，更睇好樓市細屋搬大屋，他說：「一直都好想同屋企人住，但買大屋暫時仲係有一段距離，儲多幾年錢先再諗。」享受揸車樂趣的柏豪笑言想換「新老婆」，他說：「已經睇中咗，仍然心大心細。」

採訪：音樂組　攝：黎志輝

髮型：Cliff Chan@Hair Corner

服裝：Junya Watanabe

場地：Hair Concer