貝安琪擲200萬出瑜伽碟

模特兒貝安琪自資二百萬港元推出瑜伽DVD，她表示：「自己學咗九年瑜伽，已經考咗牌。之前睇其他瑜伽DVD都係喺室內嘅，香港風景咁靚，所以喺室外拍。」她表示出此DVD只為興趣，並未考慮會否賺錢：「我當係興趣，唔係事業。我第一次接觸瑜伽係喺紐約，之後就日日去玩，上晒癮。」有鑑於香港的瑜伽中心相繼倒閉，是否代表瑜伽的熱潮已倒退？她回應：「應該係租太貴，同埋好多競爭對手。（所以唔想教？）依家有教private class，有三個學生。」問到會否叫緋聞男友尹子維學瑜伽？她回應：「佢有喺一間瑜伽中心學緊，我都好開心佢學瑜伽。（叫佢買DVD支持？）都會o架。」另外，她將於農曆新年與母親同遊美國數星期，故情人節亦會與母親共度。