楊崢巴黎食住架勢歎Dior Spa

有人愛豪花數十萬購名牌手袋來提升自信心，亦有人寧願食好住好，楊崢絕對是後者。楊崢對Plaza Athenee酒店情有獨鍾，裏面著名法式餐廳Alain Ducasse au Plaza Athenee應記一功，上月她又到該處歎法菜：「呢間餐廳提供Modern法國菜，分量唔細，我每次都會嚟呢度，今次晚餐係蘇格蘭龍蝦仔、伊朗魚子醬、主菜係白松露雞胸肉，仲有我最鍾意嘅甜品Baba au Rhum，好滿足！」雖然埋單要六千港元，但楊崢仍覺物有所值。

楊崢今次更首度入住該酒店，由於是餐廳常客，酒店破例給她由普通房提升至房租近萬港元的豪華套房，令她喜出望外。楊崢直言房中的大型水晶燈裝潢華麗，而房中一面大鏡更是暗藏機關，用遙控器開啟，鏡內會出現隱藏的電視畫面，先進的科技跟古典的外貌形成強烈對比。楊崢說：「間酒店喺巴黎好出名，夏天時露台都開滿紅色鮮花，係當地嘅地標。」

楊崢首次入住巴黎著名的Plaza Athenee酒店。	鏡子暗藏電視，配合華麗吊燈，古典時尚兼備。	每次到巴黎，楊崢必會在法式餐廳大出血。
蘇格蘭龍蝦仔	伊朗魚子醬	甜品Baba au Rhum

改善語言障礙

另外，楊崢又享受了酒店內、全巴黎只此一家的Dior Spa，試做了面部及全身療程，盛惠二千港元，她說：「呢度用嘅產品市面未有售，我試過一啲用葡萄籽精華提煉而成嘅護膚品，過程好享受，平日呢度好爆，咁啱有人取消booking我先有得做！」

巴黎一直以來予人感覺有語言障礙，因過去的巴黎人只會說法語，但楊崢表示近十年已有很大改變，一些高級餐廳和酒店的工作人員均能說流利英語，令人賓至如歸。

蒸氣浴室營造大自然氛圍

楊崢此行亦到過巴黎的Le Bristol Hotel，知名度雖不及Plaza Athenee，但其擁有獨特的中東蒸氣浴室是最大賣點。

這個名為Hamam的蒸氣浴室用大理石製造，能同時容納兩人，會邊噴蒸氣邊播音樂，配合不同燈光，猶如置身大自然；而在房中露台邊歎早餐食埋美景，更是無拘無束。