無綫藝員梁嘉琪早前聯同王喜、高海寧、翟威廉等到長隆拍攝特輯，逗留三日玩盡機動遊戲、參觀動物園及欣賞馬戲團演出。嘉琪表示特輯以短劇形式拍攝，她與港男翟威廉是一對，其他人則與她飾演家人：「雖然天氣好凍得幾度，但我哋好投契，真係好似一家人咁！」
令嘉琪最難忘的是可近距離接觸野生動物，她更不顧危險落車與長頸鹿合照（見圖），令工作人員大感擔心：「佢哋好驚隻長頸鹿踢我！咁就死得喇！其實我一直想去非洲，今次同啲動物咁近，算係滿足咗部分心願！」
