鄭伊健昨日接受電台訪問，宣傳三月的紅館個唱。他說：「依家已經開始操，過年之後排舞，要控制飲食。」伊健笑言獲公司容許年初一開賭局、食年糕：「我最鍾意芋頭糕，不過唔可以食咁多蘿蔔糕，怕熱氣喉嚨痛。」他又稱個唱後想搞一個公司旅行：「會同埋屋企人去。（女友蒙嘉慧呢？）包，不過睇佢有冇工作。」
伊健表示有留意TVB股權轉手的新聞：「同TVB仲有約，希望佢哋搵我做吓主持啦。（有冇劇債？）有一套。（同蒙嘉慧拍？）唔會喇，分開拍啦。」
