中巴拍拖3月極速分手
崔建邦舊愛鄺敏慧（中巴）去年十一月公開與卅一歲「生意男」Evan拍拖，更多次發表幸福宣言，可是只維持三個月就極速分手。中巴昨日承認回復單身：「佢係做生意，仲忙過我，可能一個星期返香港一日半日，但返嚟得一日，可能佢都唔得閒。基本上我哋係唔見，當時我哋名義上係男女朋友，但佢喺大陸發生咩事我根本就唔知，我喺香港發生咩事佢亦唔知，同埋大家都feel到唔係幾夾。」不過中巴強調Evan人品很好。
提到下月情人節冇人陪，她說：「預咗啦！不過我依家會專心工作，拍拖順其自然。（未來男友係咪要有多啲時間陪你？）我覺得真係要有少少時間陪我，因為有時做嘢有壓力，都想搵個人傾吓偈同嗲吓。」
場地：Ana Oyster & Grill
服裝：Club Monaco