容祖兒推出絕密血淚片

容祖兒去年舉行的十二場演唱會叫好又叫座，有歌迷因撲不到飛而要購買炒價飛，疼錫歌迷的祖兒為滿足粉絲，決定在新年前推出演唱會豪華珍藏版Box Set，祖兒更落手落腳參與揀相，她透露Box Set中收錄大量絕密片段，她說：「有我每日拉筋排舞、練結他同喺台底換衫換妝嘅片，最精彩梗係排舞落淚嘅場面啦。」祖兒表示Box Set很有紀念價值，她說：「有四隻DVD同兩隻CD，又有相集同花絮相，總之好抵買啦。（短片中會唔會有蝦碌笑位？）大家買嚟睇吓咪笑囉，一定唔會令大家失望。」即將放假兩個月的祖兒續說：「放假之前出到真係好開心，唔使心掛掛。」