李嘉欣幸福洋溢網晒大肚相

盛傳於年初六剖腹生子的李嘉欣，雖然臨盆在即，但她身形仍然苗條，面尖兼手腳纖幼，可謂「肥胎不肥人」，嘉欣表示常對鏡子說自己不胖，只是有點水腫，足見她得天獨厚，被不少友人激讚。昨日嘉欣在微博晒大肚寫真，這位準靚媽咪身穿低胸粉色紗裙，低頭捧着大肚照片，還寫着：「愛的期待」，可見她對新生命來臨的冀盼！

靚靚經驗未要傳授

其經理人陳善之則表示，嘉欣沒有請營養師擬餐單，食物以清淡為主，有時自己更會下廚煮食，最緊要保持心境開朗。另外，有傳不少廣告商重金邀嘉欣「母子檔」拍廣告，陳則說：「一路都有人問緊，接唔接要聽嘉欣指示，但我覺得佢就唔係太想，因為唔想BB受滋擾。（年初六剖腹？）唔知。（嘉欣心情點？）好relax，佢都唔係好緊張。（嘉欣媽咪仲緊張？）係呀。」

與嘉欣分屬好友的袁詠儀（靚靚），問到有否與嘉欣分享生仔經驗？她說：「使乜要我啲經驗，嘉欣身邊都有生仔經驗嘅人，好似佢啱啱生完嘅家姐，就係一個例子，唔使我教啦。」而另一老友陳淑蘭，被問到會否與嘉欣BB上契，她說：「嘉欣家姐個老公係我契哥兼又係我介紹，係契都契佢哋個BB先，我都戥嘉欣開心，仲幻想佢個BB一定好靚。」

陳慧琳日日做瑜伽

至於以人工受孕成功懷孖胎的陳慧琳，昨日透過電話表示：「依家會多食鈣片，有助BB發展，仲有食三文魚、飲鈣奶同煲豬膶水，我冇乜特別食花膠補品進補，最緊要注意食物有幾多營養價值。」Kelly又表示不會聘請營養師，她說：「醫生有教我要食啲乜，依家我喺屋企每日都Keep住做瑜伽。（生完點減？）坐完月先諗點減。」

Kelly向來是廣告寵兒，吸金能力驚人，問到是否有廣告商已邀請一家五口拍廣告，她說：「冇呀，一家三口就成日問。（價錢好高？）都OK，但未去到傾價已經推咗，因為老公唔係呢行，BB出鏡冇所謂，但咁細個去到影樓，佢哋會四圍走，好難捉實佢。」

文：專案組