李亞男：未見過新老闆，有機會想見吓。（建議加人工？）唔需要反映啦，我係滿足嘅員工。希望公司繼續用個心去做節目，工作環境開心啲正面啲，做到大家庭咁。
洪天明：我識殼王，平時跟陳百祥出去間中會見到佢，（對新老闆感覺？）冇乜特別，每個員工都會做好，希望每個人都有機會，希望殼王可帶動香港娛樂事業。
徐子珊：對公司嘅股權變動唔係咁了解，最緊要係六叔、六嬸開心同身體健康，公司愈做愈好，我做藝員嘅，都係繼續做好本分，拍好劇畀觀眾睇。
鄭欣宜：我係飲無綫嘅奶大，無綫猶如我嘅母校，呢個消息好突然，只希望公司將來愈做愈好，我哋做藝人，最重要做好演藝工作。
