陳豪封金筍盤怕醜受落
陳豪坦言自與廖碧兒分手後，黃金檔期少了工作，但卻被封為城中鑽石王老五之一，出席公開活動更獲贈「金筍盤」，搞得他靦覥不已，面對同場的高海寧惟有「非禮勿視」。
陳豪昨偕同高海寧出席賀年活動，二人俯身寫揮春時，女方習慣性用手按胸防走光，想不到陳豪亦下意識效法，事後被記者取笑，他一臉尷尬。大會亦大搞噱頭，安排高海寧送用金盤盛載着的竹筍給陳豪作新年禮物，取其意頭「金筍盤」，而陳豪則回贈一個金叵羅給女方。
甩拖後賺少外快
對於升呢成為「金筍盤」，陳豪接受訪問謂：「都開心嘅，不過新年新開始，願望係想搞得掂個咖啡節目，如無意外四月我會出發去牙買加同巴西等地追尋咖啡蹤迹，呢樣嘢係自己嘅興趣。」雖然陳豪日日有活動見記者，但他卻坦言因沒了情侶檔演出，故少了搵外快的機會：「係少咗，嚟緊睇吓工作點安排啦。」談到同場性感女神高海寧，他即一臉尷尬：「真係唔敢亂咁望呀。」
至於高海寧即場表演轉幾個呼拉圈，原來小時候的她已愛上這玩意，且視之為減肥運動之一。她又自爆稍後到越南拍飲食節目，相當有食神，記者即拿她與「少年食神」的緋聞來開玩笑，靚女即謂與對方已沒有聯絡：「我嘅新年願望就係少啲緋聞，專心工作嘞。」
廖碧兒避談感情
另廖碧兒出席《依家有喜》煞科宴，談陳豪想新年有新開始，問她有何願望時說：「我想身體健康，開開心心，有多啲唔同類型嘅工作。」但當問到感情時卻轉話題：「我家姐就嚟又生BB，（爸爸有冇催你生？）冇，佢哋忙住照顧BB。」文：影視組