與舊公司官司未了 金牌大風劃清界線
Theresa因衰多口屢勸不改被星皓掟入雪櫃，昔日一班Cookies戰友反應各異。Theresa的死敵鄧麗欣和吳雨霏所屬的金牌大風表示不回應，由於當日Theresa跟金牌反面走人，雙方仍有合約官司未了，金牌擺明唔想旗下歌手再跟Theresa扯上關係。
至於楊愛瑾則透過經理人表示：「唔相信雪藏傳言，自己曾經同Theresa拍檔，當然希望佢冇事，新一年唔會畀是非纏繞。」而餅碎區文詩則冷淡說：「希望唔係真囉，佢好似經歷咗好多嘢，自己作為觀眾咁睇，佢好多新聞。（會唔會勸佢收口？）我冇資格勸佢，大家唔熟，但分屬同業希望佢好。」