黎諾懿冇演技靠樣搵食
對於原本有份參演《法證先鋒Ⅲ》的佘詩曼，因不慎甩手臼受傷而被飛出局，同劇演員黎諾懿昨日表示：「唔知喎！冇聽過。但係都會問候佢，因為大家都熟。希望佢身體冇事，快啲好番，可以盡快投入工作。」
另外，黎諾懿日前為《法證Ⅲ》在中環都爹利街拍外景，劇情講述黎諾懿要在高處碌落樓梯，臉部擦到地上的玻璃碎片，搞到頭破血流。為求效果逼真，他親身上陣碌幾級樓梯時七情上面，十分入戲。但當拍攝由十多級樓梯碌下來的遠鏡時，就要由替身頂上。問到為何不親身上陣？他笑言靠樣搵食：「因為當時地下有好多玻璃碎，怕整親嘛！我呢啲冇演技，梗係靠個樣架啦！」
