克勤教送禮安撫蝦餃仔
同場的李克勤即時向Kelly送上祝福，並以兩子之父的身份向Kelly傳授心得，他說：「要開始滲啲消息畀蝦餃仔（Kelly大仔）知，臨生之前要買玩具畀佢，話係細佬或者細妹送畀佢。」
續約首選環球
此外，有傳即將約滿環球的克勤被外間以三千萬元挖角，克勤說：「冇時間理呢啲嘢，我叫咗我經理人張國忠唔好同我講，係仲有幾個月滿約。（有咩條件？）我問吓個仔先，首選當然係環球，最好唔使走。」至於有指環球以重金挽留陳奕迅，意味公司資源將大量投放在對方身上，克勤就言：「咁多年啦，呢啲問題去到邊都有要面對嘅人啦。」
此外，其他圈中好友也紛紛表祝福，雷頌德說：「孖胎，咁咪同我平排？當然祝Kelly嘅一對ＢＢ健健康康，好期待佢對孖Ｂ。」陳奕迅則表示：「恭喜晒Kelly！（估吓仔定女？）最好梗係龍鳳胎啦！（學Kelly人工受孕？）哈哈，遲啲先算。」
而在微博，容祖兒、梁詠琪、胡定欣和陳曉東也送上祝賀，粉絲恭喜她懷有雙胞胎，叫她生得愈多愈好。