方皓玟日前接受電台訪問，透露將會推出精選碟，當中收錄剛出道至今的HIT歌，她說：「有揀番《幸福》呢首歌唱，雖然呢首歌有啲唔開心嘅片段，之前參加超級星光大道嘅黎礎玲唱過之後，後來自殺埋，不過好想用依家成長咗嘅心情唱多次，同時感激佢揀咗我呢首歌唱。」
事隔差不多一年再次出碟，問到方皓玟對銷量可有期望？她說：「賣到300隻已經好開心。（要求咁低？）依家唱片巿道係咁上下，我係坦白咋，我有聽過啲人話歌手成日話唱片巿道唔好，但又好似出隻碟就搵到好多錢咁，咁樣好唔健康。」
