林忠豪被屈喊冤 碧兒情緒飄忽笑完黑面
近日情困兼負面新聞纏身的廖碧兒，日前一身大肚婆裝扮於中環拍攝《依家有喜》，雖然劇集輕鬆有趣，不過當晚碧兒卻情緒不穩喜怒無常，起初她見記者在場即自動波對鏡頭高舉V字手勢，與fans合照時也笑容滿面，豈料轉頭她卻嬲爆爆兼嘴扁扁，還突然舉起手機反拍記者，未幾她即站於一旁木無表情等埋位，拍罷戲份後即急急腳極速閃人。
阿媽被當新女友
而碧兒的「好朋友」林忠豪，昨日被指他與碧兒分手後，家中有長髮索女出現，暗指他已另結新歡。
記者致電林忠豪，他澄清說：「嗰個係我親生媽咪，畀人咁話，佢都好無奈，啲人搵唔到證據就誤導讀者，好過分，好唔尊重老人家。」
林忠豪又表示希望負面新聞盡快結束，並不忙幫廖碧兒講好話：「佢好努力，好靠自己，依家搞到佢形象咁差，好無辜，我絕對唔相信佢係貪錢嘅人。」至於是否情侶關係？他說：「我哋冇拍拖、冇分手、冇翻撻，我哋係好朋友。」
文：名人組 攝：追蹤組