Bambi增完磅又要減肥

「百果園咪神」陳靜同門梁筠兒（Bambi），早前成功贏得Gamegirl大賽冠軍，並摘下多份合約，稍後會不時配合遊戲商活動而亮相，Bambi坦言為了以最佳狀態示人，新的一年首個願望便是減肥，她說：「可能因為之前太瘦，身邊啲朋友都話我唔夠精神，所以一度刻意去增肥，加上今個冬天真係好凍，成日都約埋朋友打邊爐，加上我又鍾意煮嘢食，搞到成個人都脹咗，希望盡快減走10磅啦！」擔任遊戲商活動少不免要性感登場，Bambi笑說只要減肥成功，自己不介意穿得少點，她說：「如果有機會扮啲遊戲主角都幾得意，到時一定會落工夫去揣摩吓角色，希望扮得似模似樣啦！」