Kenny貢車行換「老婆」
曾在微博「哭車喪」的關智斌（Kenny），日前終於的起心肝換車，Kenny近年在內地拍劇掘金，荷包豬籠入水，他捨棄不揀「舊愛」Mini Cooper，改睇「新歡」逾26萬的歐洲車。
近年轉攻內地市場的關智斌（Kenny），早前在微博「哭車喪」，他透露因為道路爆水管，令他人生第一部愛驅機件濕透，欲哭無淚，只好忍痛「劏車」。由於沒有座駕確不方便，於是他便決定購買新車，日前Kenny偕同女助手到灣仔一間車行睇車，只見他電了新髮型，湊巧好友張敬軒最近亦電了髮，果然「髮」力無邊！Kenny不時與女助手研究歐洲車，似乎對歐洲車情有獨鍾，他頻頻向車行職員詢問詳情，最後索取新車資料便離開。
欲以單車代步
睇完靚車後，Kenny忽然興起與女助手進入附近單車舖，期間Kenny睇到指手畫腳，與店員談笑風生，他不時弄單車鏈及座位。事後致電Kenny，他坦承對逾26萬的新車極有興趣，他說：「我住嗰度始終有車會方便啲，加上之前架車劏咗，我都係時候換新車。（吸金多？）咁我都努力賺錢，獎勵自己都應該嘅。（單車呢？）都係同我住嘅地方有關，有單車代步的話，我可以踩出去買嘢，唔使次次都揸車出去。（幾錢？）我見到有啲都好貴，但我又唔使好專業去參賽嗰款，買二千幾蚊都OK。」談到新髮型，Kenny笑稱：「我呢個髮型耐過佢（軒仔）啦，方大同及劉浩龍都係呢個髮型。」
採訪：專案組 攝影：林 楠