周家蔚再執筆書展搶灘
周家蔚去年首次推出巴黎旅遊書，銷量及反應十分理想，獲出版商邀請再合作今年進軍書展，她說：「本來都未諗到寫咩地方，啱啱十二月先幫公司去新西蘭拍完旅遊特輯，最初都冇諗過寫新西蘭，但事前做資料搜集發現市面上原來好少關於呢個地方嘅旅遊書。」
周家蔚最初也以為香港人不喜歡到新西蘭旅遊，但實情卻相反，她說：「去到新西蘭撞口撞面都係香港人，就諗不如寫有關新西蘭嘅旅遊書，今次希望可以寫一本中英對照嘅書，下月會再去多次幫公司拍嘢！」問周家蔚可會全身投入寫書﹖她說：「咁又唔會，貴精不貴多，一年去一個新地方寫一本，自己覺得好足夠。」
場地：馬哥孛羅港威酒店（La Brasserie）