Jessica C.美國發展等運到
混血索模Jessica C.（JC）近日苦練中國花盤鼓於活動上表演，她笑言打鼓比想像中困難，並很高興對中國文化有更深了解。
對於有報道指JC於美國發展不理想才回港吸金，她回應：「呢個唔係事實！其實我好好彩，去咗L.A.一個月已經搵到經理人，我覺得做咗個好啱嘅決定。因為之前簽落合約同埋有活動搵我，先返香港，其實我好想喺香港同美國都有平衡發展，依家喺美國啱啱起步，遲啲我又會返去。」正在上演戲課程的她透露將於三月試片，希望多些參與電影工作，即使是小角色也不會介意，更祝福自己新一年愛情、事業、生活都能成功。