花姨點綴仁美黎燕珊不滿

久未露面的花姨前晚與黎燕珊、羅霖及袁小曼等出席「仁美清叙」記者會。花姨以一身「藍仙子」打扮出席，格調與一眾會員格格不入，更於大合照期間未見合群，又於多次拍照期間「不慎」透點，似有博出位之嫌。

黑面唔畀影

花姨表示盛裝出席皆因怕「靚衫冇機會着」，而在記者問及她拍照時似有透點之疑時，花姨就一概否認：「我諗唔會囉！（之前有冇試過套衫？）我喺屋企照過幾次鏡，（有冇打底？）我覺得唔會，應該影唔到。」未肯正面回應的花姨在被問及會否怕影響大會時，她就表現抗拒的說：「我唔識答。」最後更對記者黑面及拒絕再度拍照：「之前咪影咗囉！」

會長黎燕珊（左）表示會對花姨的「意外事件」作出勸喻，同時又表示有權勸她退會。

袁小曼希望於今年11月11日出嫁。

對於是次宮雪花於「仁美清叙」記者會上透點，會長黎燕珊就表示是次事件無論是有心或無意都未能由她控制，但只會勸喻她一次，她又希望會員不會有第二次「意外」：「其實會章有叫會員出席活動時衣着要合適，我哋有權勸佢退會，但都會畀第二次機會嘅！」

終於見曙光

前晚記者會上，「仁美清叙」隆重宣布其被選定為「新春同樂＠亞博嘉年華」受惠機構，黎燕珊表現雀躍的說：「我哋個會辛苦咗幾年終於見到曙光，因為個會形象好，所以今次被揀中成為受惠機構。」至於現時未有工作的袁小曼，則希望在今年11月11日結婚，更揚言唔止生一個小朋友。