於無綫節目《都市閒情》中教煮餸的李錦聯，被指前日於女友寓所內，疑因感情問題雙方大打出手。期間，女方涉將手提電腦從七樓掟落街，警方到場拘捕兩人，記者昨致電李錦聯，他表示：「件事好簡單，冇報道講得咁誇張！當時我想攞啲嘢出街，佢（指女友）唔想，攞咗我部電腦出嚟仲跣咗落街，我驚整親人，所以我報咗警，（你有冇打人？）我冇打人，我唔係啲咁嘅人，（電腦係咪女友掟落街？）總之唔係我掟。」
李錦聯指不想事件高調，亦覺得件事會好快銷案，至於《都市閒情》的工作會否繼續？他表示：「未有通告，等監製、公司消息。」而無綫外事部副總監曾醒明則指警方正調查事件，所以不作回應。
警察公共關係科發言人指前日早上接獲看更報警，指一男一女在寓所打交，女方還涉嫌把一部手提電腦掟落街，警方到場調查，並拘捕了一名41歲姓李男子以及44歲姓邵女子，兩人獲准以二千元保釋，本月底要再到尖沙咀警署報到。