鍾一憲被男色狼揸呆
趙碩之師弟、2010年樂壇新人鍾一憲（Jason）日前和樂壇五人男子組合Charcoal成員Nick，相約搭港鐵為新城頒獎禮綵排，在擠迫的車廂內，被一打扮奇特的中東籍男子狂「睥」，再以下體頂patpat，最後竟施「祿山之爪」襲擊Jason的下體，令Jason嚇到呆立當場。
他憶述當時情況：「佢揸落嚟嗰吓都好大力，痛到我縮一縮，成個人傻咗，唔識反應，我想鬧佢，但佢已經落車走人。」他向同行的好友Nick投訴時，原來Nick亦遭該男色狼摸patpat。
問Jason為何不高聲呼叫？他無奈說：「我係男仔，如果大叫非禮有冇人信先？我擔心被誤會我博出位，況且我又要趕住去新城，唔想搞大件事。」原來他被男人非禮已非首次，有友人打趣其唱片封面的下體「激凸」相太出位，才自招色情狂，激到他紮紮跳。