「排骨仔」敖嘉年日前帶同愛貓之一Maui出席公開活動，養了五隻貓的他早前飽受喪貓之痛：「隻貓係朋友之前唔養畀我，已經養咗七年。佢突然變得好瘦，就帶佢去睇醫生，原來得咗急性腎衰竭，之後要打針畀佢死，我真係頂唔順！唔會再養，寧願自己去都唔想睇住佢哋去。」
此外，嘉年近期工作不斷，當中更不乏唱歌騷。他說：「我呢世仔最近唱得最多歌，哈！」收入大增的他希望可以買樓：「由細到大，阿媽都教我要慳啲使，使大咗佢會鬧我o架！依家都有衫會sponsor，咁我就可以慳番啲買衫錢。（儲錢結婚？）未住啦。」
