黎耀祥、關心妍等昨日在荃灣出席《慈善星輝仁濟夜》記者會，祥仔將在節目中唱劇集主題曲，近期頻頻在家中練歌：「我都退出咗樂壇好多年喇，以前唱過兒歌出過碟、做過吓歌星仔o架。」
問祥仔可希望再出碟？他說：「自己就唔會喇，不過，啲人話《義海》配樂好正，都有同公司提議過出soundtrack，希望出得成啦，搵錢嘅嘢公司實有興趣嘅。」關心妍（Jade）當晚與鄭欣宜合唱表演，欣宜更會表演勁歌熱舞。
