佘詩曼欲離娘家北上搵食

前晚獲演藝人協會頒發傑出女演員獎的佘詩曼，昨日出席活動時表示很想親身去領獎，她說：「去唔到好可惜，我覺得個獎係好大鼓勵。（安慰獎？）唔係，我個獎係傑出女演員獎喎。（想唔想同獲頒傑出男演員嘅陳豪一起攞獎？）我唔知邊個攞。（同佢私底下慶祝？）有排都慶祝唔到，我要趕返無錫拍劇拍到月尾，跟住又要趕返嚟拍《法證先鋒3》。（傳林文龍同鄭嘉穎唔夠班被飛出局？）點會呀？TVB粒粒都係星，咁講對藝人唔公平。（你好大壓力？）每次接劇都有壓力，要同監製溝通，驚人睇到厭。」

拍劇關乎製作質素

阿佘否認有傳因不滿鄧萃雯獲頒視后而不續約TVB：「點會不滿，頒獎禮實有人有獎有人無獎，我都唔係無攞獎。（安慰獎嚟？）點為之安慰獎？唔通得一個獎咩，我唔知啲風喺邊度傳出嚟，我仲係TVB嘅藝人，仲有一、兩年約，洽談中。（有咩要求？）加人工囉。（攞獎呢？）乜有得咁o架咩？我覺得需要嘅係製作質素。（個人利益呢？）咁個劇收得咪有個人利益囉。（向外闖？）有考慮過，內地市場好大，好需要香港演員，錢就差唔多，拍劇係大陸多啲，但計埋剪綵拍廣告等就差唔多，都係睇製作質素。」

現場播放佘詩曼拍攝的宣傳片，一頭清爽短髮更顯清麗脫俗。

林莉雖被按摩師大力按至面容扭曲，但仍專業地保持靚靚笑容。

林莉被按摩師嚇窒

另外，同場的林莉就擔任模特兒示範面部按摩，被落了半邊臉的妝容，又被按摩師用力按得有點面容扭曲。她表示事前不知道有這樣的安排，沒有心理準備，所以感到很緊張，但為了工作她也不介意。

放大圖片	周倩圯擔任模特兒示範妝容。	三位美女出席護膚品活動，各具美態。

文：名人組