薛凱琪年少稱后評審力撐
薛凱琪（Fiona）前晚揮低老戲骨惠英紅，於「香港演藝人協會十七週年晚會暨演藝人2010傑出表現獎頒獎典禮」奪得「電影傑出表現女演員」獎，賽果令人意外，不過昨日本報訪問當中三位評審，眾人力撐Fiona實至名歸！
為給予機會一班生力軍，大會特別安排一班樂壇新人糖兄妹、連詩雅、車盈霏等表演，名譽會長譚詠麟則任壓軸嘉賓，期間會員還與眾賓客大玩獎門人遊戲，令現場笑聲不斷。而於頒發四大項目獎座後，一眾得獎者於台上合照，此時大會還增設「天降JOY星」獎給曾志偉，以表揚他一直對慈善活動的付出，令他驚喜非常。
演技變得成熟
不過於得獎者名單中，電影範疇最後三強為惠英紅、吳君如及Fiona，但最終由年資最淺的Fiona奪獎，賽果備受質疑，評審之一的葉童則不認同︰「電影本身就係藝術，唔可用標準衡量，每人睇法都唔同，今次個獎係針對部戲嘅表現，唔係個人成就獎，咁可能係Fiona套戲比較討好。」有份助Fiona奪獎的陳自強，大讚她今次演出較以往不同，故也有投她一票，張同祖亦指Fiona演技變得成熟，值得鼓勵。對於獲評審們垂青，Fiona昨日表示︰「好多謝評審畀機會新人。」
對於落敗，惠英紅表示：「輸咗無話抵唔抵嘅，評判角度覺得佢好就好。呢啲唔係講資歷，係講做得好唔好，我都入行兩年就拎金像獎女主角啦，我唔會因為無獎而唔開心。」
文：影視組