黎明插商台：唔好傷害人

隨着樂壇頒獎禮戰幕拉開，即陷入一片風雲變色，電台、電視台和唱片公司互相交惡，令樂壇頒獎禮七國咁亂，繼無綫和四大唱片反目後，接着發生英皇和東亞杯葛港台頒獎禮，就連前晚頒發的第二張樂壇成績表「叱咤樂壇流行榜頒獎典禮」，更引爆了Amusic和商台割席的炸彈，從此不相往來！

靠關係攞獎惹質疑

據知，Amusic不滿Janice和JW的合唱歌《男人信什麼》唱到街知巷聞，在新城頒獎禮上更連奪「年度歌曲大獎」和「勁爆合唱歌曲」獎項，但在叱咤成績表上竟然零獎，而新人王JW在「叱咤樂壇生力軍」更輸給欠人氣的C AllStar、糖兄妹和林奕匡，難免令Amusic不服氣。相反，跟商台助理總經理甘菁菁是夫妻關係的環球唱片高級副總裁黃劍濤，旗下歌手狂掃10獎，引人話柄。

Amusic前晚拉隊缺席頒獎禮，以行動玩杯葛，插入擘面的第一刀，據知，Amusic決定向商台連環出招還以顏色，將不再派歌上台，亦不會安排歌手出席活動，從此有你冇我。記者致電向黎明查詢，他說：「希望大家做好自己要做嘅事，唔好傷害到別人。」雖然對傳言不多作回應，但似乎話裏有骨。

Amusic行政總裁王凱文則向本報承認：「唔會再同商台合作，唔會參與商台嘅活動亦唔派歌上台，因為大家方向唔同，商台只係睇關係，每個媒體有自己制度，公司冇權改變媒體嘅制度，既然派歌上去唔播或播得唔好，惟有選擇其他渠道宣傳。（杯葛有期限？）好難講，暫時睇目前。（黎明指令？）係公司政策。」至於1月7日舉行的「十大中文金曲頒獎典禮」，他表示因公司隸屬東亞旗下，故亦不出席。

白果三人組 衞蘭、JW在樂壇成績不俗，但在商台頒獎禮食白果，令人感到詫異。	JW	李治廷早前在新城頒獎禮獲獎，但在商台交白卷。

商台：唔會勉強

而商台助理總經理甘菁菁前晚在叱咤慶功宴上，承認有請所有上榜歌手出席，問Amusic有冇回覆？她說：「佢哋話artists唔得閒，我哋唔會勉強。」問有冇唔開心？她說：「其他唱片公司都唔齊人，可能我哋頒獎禮好易估賽果，佢哋預計到。」會否擔心明年有其他唱片公司照做？她說：「好難怕亦冇得怕，依家樂壇已經好混亂。」

採訪：音樂組