JM向85歲殿堂級名模取經
文詠珊（Janice Man）昨日以代言人身份出席美容品牌活動，她更得到來自澳洲的殿堂級名模June Dally-Watkins前來支持，首次見面，JM大讚對方85歲保養得好︰「佢好好犀利，喺模特兒界已有60年，而佢喺澳洲開設嘅模特兒學校好出名。」
難得遇見國際名模，JM稱會向對方請教模特兒心得，坦言自己與Dally-Watkins年輕時的經歷很相似︰「大家都係14歲入行，今晚會同佢交流模特兒經驗。」
想開模特兒學校
Dally-Watkins在澳洲的模特兒學校十分出名，問JM有否興趣開番間？JM笑說︰「現階段仲後生，要豐富模特兒經驗，得到更多人認同先啦，不過開模特兒學校都係我夢想。」另外，JM稱聖誕節檔期仍要工作，但會抽空跟家人食飯︰「12月係我同Daddy嘅生日，加埋聖誕節，會有好多飯局。」她又希望明年一月可以去旅行叉電。