阿Sa撐男友遲出道 難衡量成就
蔡卓妍（阿Sa）及男友陳偉霆（William）昨日同場現身無綫頒獎禮記者會，可惜二人身份懸殊，阿Sa跟拍檔鍾欣桐坐第一行，但William屈居後排。阿Sa保護男友說：「我哋唔會用呢啲去衡量，佢出道遲咁多！」二人前晚於另一頒獎禮前後腳現身，最終未有碰面，阿Sa強調沒有刻意避忌。她謂：「我平時上網會搜尋旅遊勝地，一有假期唔理幾多日都會飛。（度埋William個期？）冇喎，都唔知可唔可以一齊放假。」
另外，阿Sa昨日抽空現身活動時表現疲累，她解釋：「內地拍戲搞到塊面細菌感染，要去醫生度做激光整走佢，搞到有少少結焦，想用新髮型遮住，好唔慣。」
