姚珏兩囡囡得真傳
聖誕將至，著名小提琴家姚珏特別趁這個普天同慶的佳節，用音樂宣揚愛的訊息，在今個聖誕節舉行音樂會，其中一場的收益更會捐予「生命熱線」作慈善用途。她說：「今次同以前好唔同，今次係演奏電影音樂，同埋唔用大樂隊伴奏，好創新。」當然，她的家人亦會晚晚到場為她打氣。
姚珏兩名囡囡大女Bella和細女Clara自小已很喜歡音樂，兩人都有學習小提琴，盡得媽媽真傳。姚珏說：「佢哋兩個都好鍾意流行音樂，大女好鍾意作曲，佢成日都會聽我拉小提琴，畀好多意見我。開完音樂會之後，我哋一家人就會去蘇梅島玩，過埋新曆新年先返。我哋屋企年年都會交換聖誕禮物，以前我哋會帶埋去旅行時先交換，今年會喺屋企交換咗先，咁啲行李就可以輕便好多喇！」