莫文蔚聖誕送驚喜腰Pat任摸

Karen連日來忙為演唱會綵排，身形纖瘦的她近日更激瘦十磅，現只得九十多磅，綵排期間更多次要企埋一邊束緊褲頭，她笑言：「助手食晒我啲嘢食，搞到我冇啖好食！」排舞期間，Karen跟一班男舞蹈員埋身激舞，當中不乏以海棠春睡姿態，亦有托Pat和攬腰等親密舞步，但這些在Karen眼中只屬小兒科，她說：「瞓地、瞓床同趴鋼琴呢啲經典舞步當然會有，呢啲係我標誌，第二個唔做得，係我專利，哈哈！」

大派禮物

今次現身成都開個唱，Karen坦言已學定四川話跟歌迷打招呼：「我都係臨出場先死記，希望大家聽得明啦，我仲請咗位神秘嘉賓添！」而平安夜在長沙的那場個唱則安排在晚上九時半開騷，好讓屆時跟歌迷倒數迎聖誕，為增添節日氣氛，Karen更會扮演聖誕老人大派禮物，至於送甚麼，Karen就大賣關子：「依家唔講住，總之一定好surprise！」

不停練舞的Karen最近激瘦十磅。	放大圖片	莫文蔚以海棠春睡睡姿由四名男舞蹈員抬出場。

謀開港騷

此外，Karen的內地巡迴演唱會至農曆新年前便完結，明年她會將個唱帶到台灣，問到有否計劃返香港開演唱會？Karen說：「我對上一次喺香港開已經係○五年，其實都有諗過，因為我已經畀香港歌迷追到瘦，會嘗試度期！」

採訪：音樂組　攝影：唐豁莊