黃翠如回歸有線第一個旅遊節目大玩流浪，並於12月初正式出發往南美，今次旅費不多，黃翠如早已預計到時要在南美賣藝籌旅費，她說：「我知道要沿途賣藝好開心，即刻去學啲有中國特色嘅技能，先學書法，跟住學整拉麵，過程好得意，希望到時發揮到作用啦！」
翠如今次前往南美，拍攝時間長達一個月，並會在當地度聖誕，她說：「呢個旅程好辛苦，一度冇攝影師願意去，平時如果聽到去拍旅遊特輯一定多人爭，但今次就相反，因為時間長，又唔係豪玩享受團，差啲因為冇人去而成唔到團添，我諗今次嘅旅程會好難忘，喺人生入面冇乜幾何有呢啲機會。」
