周慧敏塞車破守時習慣
周慧敏（Vivian）昨日為珠寶店擔任剪綵嘉賓，Vivian比原定時間遲了半小時，她承認因交通擠塞致遲到，她說：「打破咗自己準時的習慣。」忙於為明年三月演唱會宣傳的她，連瞓覺時間都冇，她說：「聖誕先可以抖吓，有兩日假，我係基督徒會去崇拜、同家人朋友一齊過。」
為了演唱會Vivian已推掉幾個品牌活動，她笑說：「損失幾多？冇得計。」明年三月舉行廿五周年紀念演唱會並非為自己，她說：「為自己咁辛苦真係唔制，因為到卅周年未必有體力再做，（今次係最後一次？）每一次都當係最後一次，希望留畀粉絲一個美好回憶。」上次老公倪震突然上台把她嚇一跳，她笑言：「今次唔會啩，佢唔會做啲我估到嘅嘢。」