趙彤搵對象後年結婚
曾傳介入跳水王后郭晶晶和霍啟剛戀情的台灣女星趙彤（Yedda），最近與「有料之人」陳靜和呂慧儀等演新戲，Yedda自嘲身材不及她們「胸」，又自爆愛玩數字占卜，算到自己2012年嫁。
來自台灣的Yedda早前被傳介入「剛晶戀」而為人認識，問到若重遇霍啟剛會否感尷尬？她不欲多提：「唔會尷尬，朋友嚟嘛﹗（有冇聯絡？）唔講呀，緋聞嘢唔提。」
Yedda最近忙與呂慧儀、陳靜（DaDa）、莊思敏及台灣型男沈志明等，拍攝新戲《潮性辦公室》，又與啤梨主持電台節目，工作不斷。雖然Yedda身材亦算有睇頭，但面對呂慧儀和DaDa等「胸湧」強敵，她笑言輸得心服口服，她說：「我唔夠勁，之前拍沙灘戲，佢哋（身材）真係好勁，我好鍾意望女仔，我有偷望過DaDa。（唔擔心傳是非？）唔怕。」
試過姊弟戀
問到與沈志明合作會否怕傳緋聞？她說：「唔怕傳緋聞，大家係好朋友，有朋自遠方來，不亦樂乎，佢高大靚仔。（抗拒姊弟戀嗎？）以前試過，冇所謂，有時年齡同心境係兩回事。」
自認是神婆
除了拍戲外，Yedda亦與新城DJ啤梨主持節目，原來她對算命甚有研究，她笑言：「我係神婆一名，向來對命理風水都有興趣，我係用『數字占卜』。（準唔準？）自己話準冇乜公信力，但好多聽眾都話準。（有冇算自己幾時嫁？）2012年就嫁得出，但依家未有對象。」
採訪：German
攝影：沈健程
場地：DNA@中環
髮型、化妝：Chermain M.